Қостанай әлеуметтік-техникалық колледжінде қазақ даласының біртуар перзенті, ғылым мен өндірістегі орасан жетістіктерімен есімі астасып жатқан Қаныш Сәтбаевтың туғанына 125 жыл толуына орай көрме  ұйымдастырылды. Қ.И. Сәтбаев – қазақ тіліндегі  алгебра оқулығын тұңғыш құрастырушы, қазақтар арасындағы тұңғыш кәсіби инженер-геолог, КСРО Ғылым академиясының қазақтан шыққан тұңғыш академигі, Қазақстан Ғылым академиясының тұңғыш президенті және негізін қалаушы. Қазақ КСР Ғылым академиясы Геология институтының директоры, Қазақстандағы тұңғыш Мемлекеттік және Лениндік сыйлықтардың лауреаты. Көрнекті геолог, ғылымның көрнекті ұйымдастырушысы, ірі мемлекет және қоғам қайраткері Сәтбаев есімін өз халқының тарихына алтын әріптермен жазды. Колледж студенттері мен қызметкерлері Қазақстан тарихына қосқан үлесін бағалауға болмайтын ұлы ғалым және өз елінің патриоты өмірбаянының беттерін тағы бір рет еске түсіруге мүмкіндік алды

Қостанай әлеуметтік техникалық колледжінің кітапханасында қазақстандық көрнекті жазушысы Морис Симашконың 100 жылдығына арналған көрме ұйымдастырылды.

Морис Симашко – әйгілі қазақстандық прозаик, сценарист, драматург, Орталық Азияның тарихы тақырыптарындағы көптеген еңбектердің авторы. Морис Давидовичтің таланты жан-жақты болды. Симашконың отандық әдебиетке қосқан ең құнды үлесі оның қазақ авторлары Ілияс Есенберлин, Ғабит Мүсірепов, Дүкенбай Досжанның аудармалары болып табылады. Оның сценарийлері бойынша 10-ға жуық фильм түсірілді. Ол Батыста ең көп аударылған қазақстандық жазушысы болды, Францияда оны «Шығысты ашқан Морис Симашко» деп атаған», – деп атап өтті ҚР Мәдениет және ақпарат министрлігі. Кітап көрмесімен танысқан студенттер мен қызметкерлер атақты жазушының кітаптарының беттерін қайта ашады.

Куратор не оқиды?

Қостанай әлеуметтік-техникалық колледжінде «Оқуға құштар  колледж» тұжырымдамасын жүзеге асыру аясында өткен шара осылай аталды. Студенттердің кураторларымен кездесуі 2024 жылдың 14 наурызында кітапхананың оқу залында өтті. Студенттермен кездесуге кураторлар Абишева Әлия Имашқызы, Измагилова Сабина Сайлауқызы, Қамбаров Рашид Мағауияұлы, Сарсекеева Әсел  Әбдібекқызы, Шегреева Жұлдыз Қайырлыханқызы, Хасанов Азамат Сұлтанұлы келді. Кураторлар әдебиет таңдауда өз қалаулары туралы айтты. Әлия Имашқызы қазақ көркем әдебиетін оқуға тоқталып қана қоймай, алдағы Наурыз мерекесін тойлаудағы өзгерістер туралы да баяндады.

Измагилова Сабина Сайлауовна оқушыларды әлемді жақсы түсінуге, талдау қабілеттерін дамытуға, сөздік қорларын байытып, өзіндік шығармашылыққа шабыт табуға мүмкіндік беретін классикалық әдебиетті оқуға шақырды. Хасанов Азамат Сұлтанұлы адамның білімін толықтырып, тұлға ретінде қалыптасуына ықпал ететін әдебиетті дұрыс таңдай білудің маңыздылығын атап өтті. Кураторлар өздерінің сүйікті кітаптары туралы әңгімелеп, студенттерге қызықты кітапты таңдау және табу бойынша кеңестер берді. Балалар тәлімгерлерін тыңдап қана қоймай, кітап оқу тәжірибесімен бөлісті. Әңгіме көркем әдебиет пен ғылыми әдебиетке қызығушылық танытқан достық жағдайда өтті. Қорытындылай келе, кітапхана белсенділері Әнуар Асқаров пен Лео Кнауц гитарамен ән орындады. Барлықтарыңызға қатысқандарыңызға рахмет! Келесі кездескенше!

Қостанай әлеуметтік-техникалық колледжінде Поэтикалық центон «Қалам сынағы» байқауы өтті.Сайысқа үш бөлімшенің  студенттері қатысты. Жұмыстар орыс және қазақ тілдерінде қабылданды. Директордың тәрбие ісі жөніндегі орынбасары Гаврилюк Елена Петровна, орыс тілі мен әдебиеті пәнінің оқытушысы  Тюлендина Аманкүл Ермановна және қазақ тілі мен әдебиеті пәнінің оқытушысы  Абишева Әлия Имашқызы  қатаң, бірақ әділ қазылар алқасы студенттердің  жұмыстарын бағалап, өз шешімін жариялады.

Жеңімпаздар: Юнусова Венера, ФКиС-01А тобының студенті-1 орын (куратор Абишева А.И.), 2 орын-Право-01 тобының студенті Кошелева Алина (куратор Тюлендина А.Е.) және ПО- 01 тобының студенті Шениязов Артем ( куратор Ягалеева А.Ш.). 3 орынды ПО-12 тобының студенті Дмитрий Гончар (кураторы Феофилактов Д.А.) және ФКиС-01А тобының студенті Позднякова Полина бөлісті (кураторы Абишева А.И.) Қазақ тілінде орындалған жұмыстардың ішінде қазылар алқасы Фазыл Сабина , МДТЖО -01 студенттң жұмысына  жоғары баға  қойды (жетекшісі Антаева Т.Р.).

Барлық қатысушыларды жеңістерімен құттықтаймыз және «Оқуға құштар  колледж» тұжырымдамасын жүзеге асыру іс-шараларында одан әрі табыс тілейміз.

Қостанай әлеуметтік-техникалық колледжінде «Мұқтаждарға кітап сыйла» акциясын өткізу дәстүрге айналды. Жаңа келген  2024 жыл да солай болды. Ай басынан бері оқытушылар мен студенттер кітаптарды кітапханаға әкелді, ал 14 ақпанда жиналған кітаптар «Жанұя» отбасылық үйінің тәрбиеленушілеріне сыйға тартылды. Оқу-әдістемелік жұмыс жөніндегі директордың орынбасары Зәуре Баяділқызы Әубәкірова өзінің жеке кітапханасынан 10 көлемді танымдық кітап: екі томдық «5-10 сынып оқушысының анықтамалығы», «Қыздар үшін үлкен кітап», «Әйел өмірі мен денсаулығы» және т.б. Балаларға арналған  кітаптарды (Агния Барто, Константин Паустовский, Михаил Пришвин, Самуил Маршак )  дене шынықтыру пәнінің оқытушысы Понятова Марина Геннадьевна  алып келді. Қоғамдық пәндер педагогтары Тоқбаева Ғалия Қапарқызы, Жұмасаева Сәния Төлегенқызы, экономикалық және техникалық бөлімдерінің арнайы пәндер оқытушылары Тоқбаева Самал Мырзабекқызы, Кислица Ирина Николаевна, биология пәнінің оқытушысы Успанова Айгүл Сақтағанқызы да қалыс қалмады. Балалармен үлкен түсіндіру жұмыстарын Әбішева Әлия Имашқызы (ФКиС-01А тобы), Өтағалиева Мәдина Сағитқызы (ПД-01 тобы), Борискина Виктория Петровна (ЭС-01 тобы) жүргізді.

Аса бесенділік көрсеткен  ФКиС-01А тобының студенттері Иржанов Альфат Ильф пен Петровтың 2 кітабын, Быков Михаил- «Детская энциклопедия» кітабын, Воропаев Кирилл «История с Волли»  деген журналдың үшжылдық  жарық көрген басылымының  жинағын  , Жұмабеков Батыржан «Первая энциклопедя для тех, кто уже читает» және Балан Тимур  «Новогодние приключения игрушек» деген кітаптарды сыйлады.

«ПД-01» тобының студенттері Әлия Смағұлова, Ольга Евич және Жанель Ажмаканова балаларға кітап әкеліп қана қоймай, «Жанұя» балаларына арнап «Бәрі кітап туралы» викторинасын өткізді.                             

«Жанұя» отбасына бізбен бірге Қостанай әлеуметтік-техникалық университетінің студенттері мен биология кафедрасының меңгерушісі Баян Ғалиосқарқызы Мұнарбаева да барды. Олар балаларға арналған ойындар ұйымдастырды. Іс-шара жылы, достық атмосферада өтті. Балалар  игі іске атсалысып жүргендерін мақтанышпен, терең қанағат сезімімен колледжге оралды.