Сабақтың мақсаты: Білім алушылардың педагогикалық этика және педагог мәдениеті туралы түсінігін қалыптастыру, педагогикалық қызметтегі кәсіби және адамгершілік нормалардың маңыздылығын түсіну.

Білім алушылар тақырыпқа қызығушылық танытып, талқылауға белсене қатысып, кәсіби жағдайларды талдау және негізделген қорытынды жасау шеберліктерін көрсетті. Ашық сабақ білім алушыларда педагогтың кәсіби қызметінің маңызды құрамдас бөлігі ретінде педагогикалық этика мен мәдениеттің маңыздылығын түсінуді қалыптастыруға ықпал етті.

29 қаңтар 2026 жылы Қостанай әлеуметтік-техникалық колледжінің кітапханасының оқу залында көрнекті ақын, жазушы, текстолог, ғылыми абайтанудың негізін қалаушы және педагог Қайым Мұхамедхановтың өмірі мен қызметіне арналған ауызша журнал өткізілді.

Іс-шара  барысында ғалымның өмірбаянындағы маңызды беттер қамтылды: туған-өскен жері мен отбасы, Семейдегі алғашқы Абай мұражайын құруға қосқан үлесі, абайтанушылық және текстология саласындағы еңбектері, Абайдың шәкірттерінің поэтикалық мектебі, Абайға арналған ескерткіштер тарихы, «Абай» энциклопедиясының жарық көруі, сондай-ақ ғалымның отбасы мен балалары туралы мәліметтер.

Балалар қызығушылықпен тыңдап, көптеген сұрақтар қойды. Әсіресе Абай өлеңдерінің авторлығы туралы жаңа ашылған деректер, ғалымның сталиндік репрессиядан кейінгі қайта оралуы және өмірінің соңына дейін Абай мұрасын насихаттауға арнаған адал еңбегі қатты әсер етті.

Құқықтық клубтардың белсенділері өз қатарластарының арасында құқықтық сауаттылықты арттыру мақсатында арнайы жадынамалар таратты.

Шараның басты мақсаты: Жастардың құқықтық мәдениетін қалыптастыру және «Әрбір іс заң шеңберінде болуы тиіс» деген қағиданы насихаттау. Белсенділер студенттерге өз құқықтары мен міндеттері туралы маңызды ақпараттарды жеткізді.

Тәртіп пен заңдылық — мықты мемлекеттің негізі. Ал ол әрқайсымыздан басталады!

Студенттерге көліктің тайғақ жолдағы жүріс‑тұрысы көрсетілді: арнайы дайындалған жасанды көктайғақ алаңында тайғанау (занос) жағдайын имитациялау, тежеу жолының ұзындығы, сондай‑ақ қыс мезгілінде көлікті басқару ережелері таныстырылды.

Мұндай сабақтар жол қауіпсіздігі тек жүргізу дағдысы ғана емес, сонымен қатар жеке жауапкершілік, жол қозғалысы ережелерін сақтау және айналадағы адамдардың өмірі мен денсаулығына құрмет екенін түсінуге көмектеседі.

Қауіпсіздік сақтаңыз, қысқы жолда мұқият болыңыз!

#ЗаңЖәнеТәртіп #АдалАзамат #Қостанай #ҚӘТК #ЖолҚауіпсіздігі #ЖҚЕ #ҚысқыЖол #Жауапкершілік

Қостанай әлеуметтік-техникалық колледжінің кітапхана оқу залында 2026 жылғы 28 қаңтарда «Кітап оқитын ұлт» жобасының қатысушыларымен кездесу өтті.

Іс-шара барысында әңгіме-сұхбат және кітаптардың мазмұнын білу бойынша тексеру ұйымдастырылды:

• І. Есенберлин «Қарғыс атқан қылыш»
• С. Мұқанов «Балуан Шолақ»
• Ғ. Мұстафин «Дауылдан кейін»
• В. Смил «Әлем шын мәнінде қалай құрылған»
• С. Кови «Жоғары тиімді адамдардың 7 дағдысы»

Мәтіндерді жақсы білетінін Мартыненко Вероника, Холодов Артем, Киселева Милена, Позднякова Полина және басқа студенттер көрсетті.

Мұндай кездесулер оқуға деген сүйіспеншілікті арттырып, кітап оқитын ұлтты  қалыптастыру мақсатына қызмет етеді!

Колледж белсенді және көп оқитын студенттерімен мақтанады!

Сабақтың мақсаты: Білім беру ұйымы, отбасы және әлеуметтік институттар арасындағы тиімді іс-қимылдың тетіктері мен маңыздылығын жан-жақты түсіндіру. Болашақ мамандардың бойында осы үш буынның синергиясы тұлғаның эмоционалдық және зияткерлік үйлесімді дамуының негізі болып табылатыны туралы түсінік қалыптастыру.

Білім алушылар жоғары белсенділік танытып, сыни тұрғыдан ойлау қабілеттерін және болашақ кәсіби қызметінде серіктестік принциптерін іске асыруға дайын екендіктерін көрсетті.