Жастарға әскери-патриоттық тәрбие беру және оларды Отан алдындағы борышын өтеуге ынталандыру мақсатында біздің колледжде ерекше кездесу өтті.

Қонақта — Күршім ауданы бойынша Шекара басқармасының (2535 әскери бөлімі) өкілі, барлаушы, ефрейтор Роман Владимирович Бондарчук.

Кездесу барысында студенттерге келесі маңызды ақпараттар берілді: ✅ Әскери қызметтің артықшылықтары мен әлеуметтік кепілдіктері; ✅ Әскери және өзге де құқық қорғау органдарына түсу тәртібі; ✅ Шекара қызметінің ерекшеліктері мен Отанды қорғаудың маңыздылығы.

Студенттер өздерін қызықтырған сұрақтарын қойып, нағыз маманнан тұщымды жауаптар алды. Бұл шара жастардың бойында патриоттық сезімді оятып, болашақ мамандықты таңдауға септігін тигізері сөзсіз.

📍 Біздің таңдауымыз — қауіпсіз ел және мықты армия!

Дәріс заманауи қоғамның ең өзекті мәселелеріне арналды. Прокурор келесі бағыттар бойынша құқықтық салдарлар мен сақтық шараларын егжей-тегжейлі түсіндіріп берді:
🛡 Не туралы айтылды?
Есірткі қылмысына қарсы іс-қимыл: Студенттерге бұл салада «оңай ақша» болмайтыны және психобелсенді заттарды таратқаны үшін өмір бойына бас бостандығынан айыруға дейінгі қатаң жаза қарастырылғаны ескертілді. Есірткі — бұл тығырыққа тірейтін жол.

Абайлаңыз, алаяқтар! Цифрландыру дәуірінде сақ болу өте маңызды. СМС-кодтарды, жеке мәліметтерді ешкімге бермеңіз және интернеттегі күмәнді ұсыныстардан сақтаныңыз.

Жыныстық тиіспеушілікті қорғау: Құқықтық сауаттылық пен жеке қауіпсіздік мәселелері талқыланды. Өз құқықтары мен шекараларын білу — қорғанудың ең маңызды факторы.

Қостанай қаласының прокуратурасы жастардың қауіпсіздігін күзетуде!

📌 Оқу-ағарту министрі Жұлдыз Сүлейменова Үкімет отырысында балалардың құқықтары мен мүдделерін қорғауды қамтамасыз ету бойынша жүргізіліп жатқан жұмыстар туралы баяндады.

Президенттің Ұлттық құрылтайда берген тапсырмалары аясында балалардың қауіпсіздігін күшейтуге бағытталған нақты шаралар қабылданып, олардың құқықтарын қорғау бойынша жүйелі жұмыстар жүргізіліп жатқаны атап өтілді.

▪️ Атап айтқанда, Президенттің бастамасы бойынша балалардың құқықтарын қорғау, білім беру сапасын арттыру, денсаулығын сақтау, әлеуметтік қолдау және қауіпсіздігін қамтамасыз ету саласында елеулі іргелі реформалар мен заңдар қабылданып, жүзеге асырылуда.

💬2025 жылғы статистика мәліметтері бойынша елімізде 7 миллионға жуық бала (6 902 492 адам) бар, бұл жалпы халықтың 34%-ын құрайды. Соңғы 10 жылда тұрақты демографиялық даму негізінде балалар саны 1,5 миллионға артты💬, — деді Жұлдыз Сүлейменова.

▪️ Сондай-ақ Президенттің бастамасымен «Ұлттық қор – балаларға» бағдарламасы жүзеге асырылуда. Жыл сайын Қазақстан Республикасы Ұлттық қорының инвестициялық табысының 50%-ы 18 жасқа дейінгі барлық балалардың шоттарына түседі. Түскен қаражат оқу ақысын төлеуге және тұрғын үй жағдайын жақсартуға арналған.

«Қазақстан халқына» қоғамдық қорының жұмысы аясында 120-ға жуық әлеуметтік жоба жүзеге асырылды. Елімізде орта білім тегін екені белгілі.

▪️ Бастауыш сынып оқушыларына тегін ыстық тамақ беріледі. 1-11 сынып оқушылары тегін оқулықтармен қамтамасыз етілген.

Бұдан басқа, көмектің 49 түрін қамтитын әлеуметтік қолдау жүйесі жүзеге асырылуда. Жалпыға бірдей білім беру қоры арқылы 25 миллиард теңгеге көмек көрсетілді.

✔️ Бүгінгі таңда балалардың құқықтарын қорғауды күшейтуге бағытталған 10 негізгі заң қабылданды.

Құқық бұзушылық туралы енді смартфон арқылы – «Заң және тәртіп» сервисімен тікелей хабарлауға болады. Ол сіздің күнделікті қолданатын қолданатын қосымшалардың ішінде бар. Бірнеше секунд, және сіздің өтінішіңіз құқық қорғау органдарына жетеді.

Кездесу барысында қолданыстағы заңнамадағы өзгерістер талқыланып, педагог қызметкерлердің құқықтары мен міндеттері, сондай-ақ білім беру ұйымдарындағы құқық бұзушылықтардың алдын алу мәселелері қарастырылды. Кәсіби қызмет барысында құқықтық нормаларды сақтау мен жанжалдардың алдын алу мәселелеріне ерекше назар аударылды.

Аталған әңгіме педагогтердің құқықтық мәдениетін нығайтуға және құқық бұзушылықтардың алдын алуға жауапкершілікпен қарауын қалыптастыруға ықпал етті.

Қостанай әлеуметтік-техникалық колледжінде 1-2 курс студенттеріне арналған «Денсаулық және жауапкершілік» атты танымдық кездесу өтті.

Колледждің медицина қызметкері студенттермен маңызды тақырыптар төңірегінде әңгімелесті: ✅ Салауатты өмір салтын сақтаудың маңызы; ✅ Өз денсаулығына жауапкершілікпен қарау; ✅ Зиянды әдеттерден аулақ болу.

Болашақ мамандар үшін денсаулықты күту — табысқа жетудің алғашқы баспалдағы. Кездесу соңында студенттер көкейкесті сұрақтарына жауап алды.

📌 Өзіңізге ұқыпты болыңыз, денсаулығыңызды күтіңіз!