Әлем біріншілігінде жоғары нәтиже көрсеткен Сергей Пирко — «Дене тәрбиесі және спорт» бөлімінің 2 курс студенті, ол жарыста құрметті 2-орынды иеленді.
2001–2008 жылдары туған спортшылар арасындағы жас санатында өнер көрсеткен Сергей жоғары дайындық деңгейін, сенімді техникасын, мықты мінезі мен шынайы спорттық рухын танытып, өз елінің абыройын халықаралық аренада лайықты қорғады.
Бұл жетістік — спортшының табанды еңбегі, тәртібі мен мақсаткерлігінің нәтижесі. Сергейдің жеңісі — табандылық пен алға қойған мақсатқа ұмтылудың үлкен жетістіктерге жеткізетінінің жарқын дәлелі.
Сергей Пирконы лайықты жүлдесімен құттықтай отырып, алдағы уақытта жаңа жеңістер, биік спорттық жетістіктер мен толағай табыстар тілейміз!

Жарысқа ТжКБ жүйесінің 15 оқу орны қатысты. Қатысушылар жоғары дайындық деңгейін, төзімділік пен жеңіске деген ұмтылысты көрсетті.

Фестиваль қорытындысы бойынша «Әлеуметтік-техникалық колледждің» білім алушылары лайықты нәтиже көрсетіп, жалпыкомандалық есепте құрметті 3-орынға ие болды.

Жеке есепте колледж білім алушысы Бержицкий Данил ерекше көзге түсіп, сенімді түрде 1-орынды иеленді. Ол өзінің жоғары физикалық дайындығы мен спорттық мінезін дәлелдеді.

Колледж командасын және жеңімпазды табысты өнер көрсетулерімен құттықтаймыз! Алдағы уақытта жаңа жеңістер мен спорттық жетістіктер тілейміз!

«Дене шынықтыру және спорт» бөлімінің 3-курс студенті Балаканов Ильшат 2025 жылғы 9–14 желтоқсан аралығында Петропавл қаласында өткен кикбоксингтен дәстүрлі турнир аясындағы Қазақстан Кубогында оқу ордамыздың намысын лайықты қорғады.
Жарыс қорытындысы бойынша Ильшат құрметті II орынға ие болып, жоғары спорттық шеберлігін, ерік-жігерін және мақсаткерлігін көрсетті. Финалдық жекпе-жекте ол Астана қаласының мықты спортшысымен бақ сынасты.
Балаканов Ильшатты лайықты жеңісімен шын жүректен құттықтай отырып, алдағы уақытта толағай табыстарға, жаңа жеңістер мен биік белестерді бағындыруына тілектеспіз!

Сарсенов Алан 2025 жылдың 10–20 қыркүйек аралығында Абу-Дабиде өткен муайтайдан Әлем чемпионатында Қазақстан намысын абыроймен қорғады.
Алан муайтайдан спорт шеберлігіне кандидат болып табылады. Әлем чемпионатында ол жоғары дайындық деңгейі мен спорттық шеберлігін көрсетіп, қола медальға ие болды.
Сонымен қатар, 2025 жылы Сарсенов Алан муайтайдан Қазақстан Республикасының чемпионы атанды.
Аланды лайықты жеңісімен құттықтаймыз және алдағы спорттық жетістіктеріне табыс тілейміз!