Нұрқабаев Ермек пара дзюдодан Спартакиада жүлдегері атанды!

Нұрқабаев Ермек пара дзюдодан Спартакиада жүлдегері атанды!

1-3 маусым аралығында Астана қаласында өткен Қазақстан Республикасының пара дзюдодан Спартакиадасында «Дене тәрбиесі және спорт» бөлімінің 3 курс студенті Нұрқабаев Ермек J2 санатында, 95 келі салмақ дәрежесінде 3-орынға ие болып, «Спорт шебері» атағын жеңіп алды!

Ермекті осы зор жетістігімен құттықтаймыз! Оның қажырлы еңбегі мен табандылығы жемісін берді. Болашақта да биік белестерді бағындыра беруіне тілектеспіз!

Есболат Шерханды жасөспірімдер арасындағы Азия чемпионатындағы жеңісімен құттықтаймыз!

Есболат Шерханды жасөспірімдер арасындағы Азия чемпионатындағы жеңісімен құттықтаймыз!

«Дене тәрбиесі және спорт» бөлімінің ДТжС-02 тобының студенті Есболат Шерхан 21–25 мамыр аралығында Үндістанның Дели қаласында өткен жасөспірімдер арасындағы Азия чемпионатында 60 келіге дейінгі салмақ дәрежесінде тамаша жеңіске жетті.

Шерхан өз шеберлігін бұрыннан дәлелдеген дарынды спортшы. Ол қазақша күрестен Қазақстан чемпионаттарының жүлдегері, сондай-ақ ұлттық турнирлердің бірнеше дүркін чемпионы болып табылады. Бұл жетістіктері оның жоғары деңгейдегі спорттық шеберлігін, ерік-жігерін және ұлттық спорт түріне деген адалдығын айғақтайды.

Біз студентіміздің жетістіктерін мақтан тұтамыз және Шерханға халықаралық ареналарда әлі де көптеген жеңістер тілейміз!

INSTAGRAM

Кикбоксингтен Әлем Кубогына қатысу

Кикбоксингтен Әлем Кубогына қатысу

«Дене шынықтыру және спорт» бөлімінің 4 курс студенті Рамазанов Алдияр ересектер арасындағы кикбоксингтен Әлем кубогына қатысты. Бұл жарыс 14–25 мамыр аралығында Түркияның Анталья қаласында өтті.

Алғашқы жекпе-жекте Алдияр Түркия спортшысынан басым түсіп, айқын жеңіске жетті. Екінші кездесуде Норвегиядан келген қарсыласына лайықты қарсылық көрсеткенімен, жеңісті қолдан шығарып алды.

Мұндай деңгейдегі халықаралық жарыстарға қатысу — спортшының кәсіби жолындағы маңызды кезеңдердің бірі әрі жоғары дайындық деңгейінің айғағы.
Алдиярды сәтті өнер көрсетуімен құттықтаймыз және алдағы жарыстарда толағай табыстар тілейміз!

Джс-03г тобының студенті Серікпай Арсланды шын жүректен құттықтаймыз

Джс-03г тобының студенті Серікпай Арсланды шын жүректен құттықтаймыз

Алматы қаласында өткен кудодан Қазақстан Чемпионатында ДТжС-03г тобының студенті Серкпай Арслан жүлделі ІІІ орынға ие болды! Шын жүректен құттықтаймыз!!! Алда тек биіктерден көріне беруіне тілектеспіз!

Gamma MMA бойынша Қазақстан Республикасының чемпионат

Gamma MMA бойынша Қазақстан Республикасының чемпионат

1-5 мамыр аралығында Алматы қаласында Gamma MMA бойынша Қазақстан Республикасының чемпионаты өтті. «Дене тәрбиесі және спорт»-12б тобының студенті Қуанышбай Нұрдәулет осы беделді жарыста біздің колледждің намысын абыроймен қорғады.
Нұрдәулет бірінші жекпе-жегінде Қызылордалық қарсыласын сенімді түрде жеңді. Екінші кездесуде ол өзінің шеберлігін көрсетіп, Алматылық спортшыны да тізе бүктірді. Үшінші шиеленісті жекпе-жекте Нұрдәулет қарағандылық қарсыласына есе жіберді, бірақ оған қарамастан Қазақстан Республикасы чемпионатында 3-ші жүлделі орынды иеленді!
Нұрдәулетті осы маңызды жетістігімен құттықтаймыз және оған спорттағы одан әрі табыстар тілейміз!

Қазақстан Республикасы колледждерінің алғашқы республикалық Спартакиадасы — Түркістан 2025

Қазақстан Республикасы колледждерінің алғашқы республикалық Спартакиадасы — Түркістан 2025

15–19 сәуір аралығында көне де қонақжай Түркістан қаласында еліміздің колледждері арасындағы алғашқы республикалық Спартакиада өтуде!
Бұл — еліміздің түкпір-түкпірінен келген ең үздік командаларды біріктірген күш-жігер мен бірліктің шынайы мерекесі.

Қостанай әлеуметтік-техникалық колледжінің командасы Спартакиаданың мини-футбол жарысына қатысып, облыстық кезеңде 1 орынды иеленіп, намысты қолдан бермей, өңір атынан лайықты түрде қатысып жатыр!

15 сәуір күні біздің студенттер Маңғыстау командасын 2:0 есебімен жеңіп, өз шеберліктерін жарқын дәлелдеді!
Бұл жеңіс — еңбектің, мақсатқа ұмтылудың және нағыз командалық рухтың жемісі! 

Команданың дайындалуына жан-жақты қолдау көрсеткен Қостанай әлеуметтік-техникалық университетіне және ректоры Абдуллин Р.Б.-ға айрықша алғысымызды білдіреміз!

Бұл жетістік жаңа белестерге жол ашып, студенттерге шабыт сыйлап, колледжіміздің мерейін арттыра берсін!
Алға, Қостанай! Жаңа жеңістерге жол ашық болсын!