Эльдардың тағдыры — нағыз күрес жолы. Сокол ауылында тұратын кішкентай кейіпкеріміз БЦП және ретинопатия диагноздарымен арпалысып келеді. Оның ата-анасы үшін көру қабілетін сақтап қалу — бүгінгі күннің басты міндеті. Сондықтан Эльдарды Санкт-Петербург клиникасында кезекті ота күтіп тұр.

Біздің ұжым осы игі іске өз үлесін қосып, баланың болашағына бей-жай қарамады. Бірлесе көтерген жүк жеңіл. Біз Эльдардың әлемді өз көзімен көретін күніне сенеміз!

Студенттер балалар үйінің тәрбиеленушілеріне арнап кітаптар, ойыншықтар және қажетті заттарды жинады. Сонымен қатар балаларды келе жатқан Наурыз мерекесімен құттықтап, оларға жылы лебіздерін білдіріп, көтеріңкі көңіл-күй сыйлады.

Осындай игі бастамалар жастарды мейірімділікке, жанашырлыққа және көмекке мұқтаж жандарға қолдау көрсетуге тәрбиелейді. Жақсылық жасау – әр адамның қолынан келеді!

Бұл күн — өкпе-ренішті ұмытып, ағайынмен қауышатын, үлкенге құрмет, кішіге ізет көрсететін ерекше сәт. Біздің колледжде «Көрісу» тек қол алысу емес, бұл — достықтың, білімге деген ортақ құштарлықтың және бірліктің белгісі.

Бір-бірімізге «Жасың құтты болсын!» деп, ақ тілек арнайық. Биылғы жыл әр студент пен оқытушы үшін жаңа белестер мен жарқын мүмкіндіктер жылы болсын!

✨ Колледж дәлізінде кездескенде күлімсіреп, қол алысуды ұмытпаңыздар!

Әрбір іс-шара біздің студенттеріміздің қаншалықты дарынды әрі мақсатқа ұмтылған екенін, сондай-ақ оқытушыларымыздың кәсіби шеберлігі мен өз ісіне деген адалдығын көрсетті.

Онкүндік тек білім мен дағдыларды көрсету мүмкіндігі ғана емес, сонымен қатар тәжірибе алмасу, болашақ мамандыққа деген қызығушылықты арттыру және шығармашылық әлеуетті ашу алаңына айналды.

Баршаңызға белсенділік танытып, қатысқандарыңыз үшін алғыс айтамыз! Техникалық бөлім онкүндігі жабық деп жарияланады.

Кейде интернетте радикалды немесе экстремистік идеяларды қамтитын материалдар кездесуі мүмкін. Сондықтан ақпаратқа сын көзбен қарап, дереккөздерді тексеріп, күмәнді контентті таратпау маңызды.

Саналы көзқарас, айналадағы адамдарға құрмет және интернеттегі қарым-қатынас мәдениеті баршаға қауіпсіз әрі ашық ақпараттық кеңістікті сақтауға көмектеседі.

Болашақ жолды таңдау — әрбір студент үшін ең жауапты шешімдердің бірі. Студенттерге жоғары білім әлемінде бағыт-бағдар алуға көмектесу мақсатында біздің оқу орнымызда А. Байтұрсынұлы атындағы Қостанай өңірлік университетінің (ҚӨУ) өкілдерімен маңызды кездесу өтті.