2026 жылғы 9 ақпанда декаданың салтанатты жабылу рәсімі өтті, оның барысында барлық ұйымдастырылған іс-шаралардың қорытындысы шығарылды. Мерекелік жағдайда белсенді қатысушылар мен жарыс жеңімпаздарына бастамашылдығы, спорттық жетістіктері және декадаға белсенді қатысқаны үшін грамоталар табысталды.
«Дене шынықтыру және спорт» декадасы спорттың біріктіретін, шабыттандыратын және ерік-жігерді, жауапкершілікті, өзара құрметті тәрбиелейтін қуатты құрал екенін айқын көрсетті.

Сайыс барысында студенттер шапшаңдықтарын, ептіліктерін, ұйымшылдықтарын, командалық рух пен жағымды көңіл күйді көрсетті. Жарыс қорытындысы бойынша келесі номинациялар анықталды:
• «Ең жылдам команда» — Дене тәрбиесі және спорт бөлімі;
• «Ең ұйымшыл команда» — техникалық бөлім;
• «Ең позитивті команда» — Экономика және құқық бөлімі.
«Көңілді старттар» спорттық сайысын өткізу студенттердің денсаулығын нығайтуға, дене тәрбиесіне қызығушылығын арттыруға және түрлі бөлімдердің студенттері арасында достық қарым-қатынасты қалыптастыруға ықпал етті.

Тәжірибелі тәлімгерлер – Картабаева К.М. мен Рябоконь Т.Н. жетекшілігімен білім алушылар қалалық инфрақұрылымды дамыту мен өзекті әлеуметтік мәселелерді шешуге бағытталған идеяларын ұсынды. Байқау комиссиясы жобалардың ауқымдылығын және қатысушылардың өз өңірінің болашағына деген шынайы жанашырлығын ерекше атап өтті.
Байқау ұйымдастырушылары білім алушылардың белсенді қатысқаны үшін колледж басшысы Шукманова Р.С. зор алғыс білдірді. Мұндай форматтағы іс-шаралар жастарға құқықтық тәрбие беруде шешуші рөл атқарады.
Біз өз таланттарымызды мақтан тұтамыз. Бұл жетістік қаламыздың ертеңі сенімді әрі креативті жастардың қолында екенін тағы бір мәрте дәлелдеді. Жас дарындар мен олардың жетекшілеріне жаңа жеңістер мен сарқылмас шабыт тілейміз.

2026 жылдың 6 ақпанында Костанай әлеуметтік-техникалық колледжінің кітапхана оқу залында «Әдібай Табылдиевке – 100 жыл» атты ауызша журнал өтті. Іс-шара белгілі мемлекет қайраткері, педагог, жазушы, ақын Әдібай Табылдиевтің 100 жыл толуына арналды.

Қатысушылар оның өмірбаянымен, шығармашылығымен танысты: Жамбыл облысының тумасы, педагогикалық ғылымдар докторы, профессор, ҚР Білім беру ісінің құрметті қызметкері, «Алаш» сыйлығының лауреаты (псевдоним – Дулат). 31-ден астам балалар кітабының, 400-ден астам ғылыми еңбектің авторы. Өлеңдері, әңгімелері, пьесалары  ұрпақ тәрбиесіне зор үлес қосады.

Әдібай Табылдиевтің мұрасы – ұлттық құндылықтар мен патриотизмді насихаттау.

Сабақтың тақырыбы: «Ұлттық ойындарды ұйымдастыру және өткізу»

Сабақ барысында білім алушылар қазақ халқының ұлттық ойындарымен танысып, олардың моторикасын дамытуға, ептілікке, жылдамдыққа және ұйымшылдыққа тәрбиелеуге басымдық берілді. Сондай-ақ, ұлттық дәстүрлер мен мәдени мұраға деген құрмет сезімі қалыптастырылды.

Бұл сабақ білім алушыларға ұлттық ойындардың адам дамуының әмбебап кілті екенін терең ұғынуға мүмкіндік берді. Ендігі кезекте олар осы этнопедагогикалық әлеуетті дені сау, тәртіпті және мәдениеті бай ұрпақты қалыптастыру жолында тиімді қолдануға дайын».

Тәлімгерлер — Е.Б. Жүсіпов пен Р.А. Мельниктің жетекшілігімен волейбол алаңы нағыз спорттық шайқас алаңына айналды. Ойын өте тартысты өтіп, жанкүйерлерді соңғы ұпайға дейін толқыныста ұстады!
Біздің жеңімпаздарымыз бен жүлдегерлеріміз:
* 🏆 I орын — “Дене тәрбиесі және спорт”бөлімі (көшбасшылық мәртебесін дәлелдеді!);
* 🥈 II орын — “Экономика, басқару және құқық” бөлімі;
* 🥉 III орын — Техникалық бөлім.
Жігіттерді тамаша нәтижелерімен құттықтаймыз! Барлық қатысушыларға жеңіске деген ерік-жігері мен әдемі ойыны үшін алғыс айтамыз! Сәттілік, жарайсыңдар! 🔥