Олар пластикалық қақпақтарды қолөнер бұйымдарын жасауға пайдаланып, қарапайым қалдықтарды пайдалы әрі әдемі заттарға айналдырды. Мұндай бастама қоқыс көлемін азайтуға көмектесіп, қоршаған ортаға жауапкершілікпен қарауды үйретеді. Студенттер ерекше бұйымдар жасап, шығармашылық пен экология қатар жүре алатынын көрсетті.

Наурыз мейрамының қарсаңында, 23 наурыз — Тазару күніне орай Қостанай әлеуметтік-техникалық колледжінің студенттері игі іске білек сыбана кірісті! 🧹🌱

Жаңа жылды тазалықпен қарсы алу — ата-бабамыздан қалған жақсы дәстүр. Біздің белсенді студенттеріміз колледж аумағын абаттандыру және тазалау жұмыстарын жүргізді. Бұл шара тек айналаны ретке келтіру ғана емес, сонымен қатар туған жерге деген сүйіспеншілік пен экологиялық мәдениеттің көрінісі.

Құрметті достар!
Баршаңызды тазалық пен жаңару мерекесімен құттықтаймыз! Айналамыз таза, ниетіміз ақ болсын. Әз-Наурыз әр шаңыраққа құт-береке әкелсін!

Колледжіміздің студенттері мен оқытушылары үшін ұйымдастырылған мерекелік іс-шара нағыз думанға ұласты. Ән айтылып, күй күмбірледі, ұлттық дәстүрлеріміз жаңғырып, ортақ шаңырағымыз бірлік пен берекеге толды.

Қымбатты студенттер мен ұстаздар!
Сіздерді Ұлыстың ұлы күнімен шын жүректен құттықтаймыз! Наурыз әр шаңыраққа ырыс, ынтымақ және молшылық әкелсін. Оқуда озат, еңбекте табысты болыңыздар! Еліміз тыныш, туған жеріміз аман болсын!

Бүгін бізде:

«Бауырсақ-пати»: Таңертең колледж табалдырығын аттаған әрбір студентті ыстық бауырсақтармен қарсы алдық.

Дәмді сый: Студенттер наурыз көже мен салқын айраннан дәм татып, мерекелік көңіл-күйге бөленді.

Мерекелік бағдарлама: Дәмді ас ішілген соң, студенттеріміз үшін арнайы дайындалған салтанатты іс-шара өтті.

Бірлік пен береке салтанат құрған күн құтты болсын! Ұлыстың ұлы күні — Наурыз мейрамы әр шаңыраққа бақ-береке әкелсін! 🌷

Қол күресі (Армрестлинг): Күш пен техниканың тартысы.

Гір тасын көтеру: Атлеттердің нағыз төзімділігі.

Арқан тартыс: Нағыз командалық рух пен ұйымшылдық.

Асық ату: Мергендік пен ептілік ойыны.

Тоғызқұмалақ: «Дала шахматындағы» интеллектуалды бәсеке.

Ұйымдастырушылар жастардың бойындағы отансүйгіштік пен жеңіске деген жігерін ерекше атап өтті. Бұл күн нағыз батырлар мен ептілердің мерекесіне айналды!

🎶 Елдің барлық мектептерінде, қосымша білім беру ұйымдарында және колледждерінде қазақтың ұлттық өнер туындылары шырқалды. Репертуарда «Тепеңкек», «Елкисса», «Ерке сылқым», «Қороғлы», «Көксерке» және басқа да күйлер орындалды.

✨ Қостанай әлеуметтік-техникалық колледжінің студенттері де бұл бастаманы қолдап, акцияға белсенді қатысты. Колледж домбырашысы күйлер орындап, ұлттық рухты, мәдениет пен дәстүрді насихаттады.

🎵 Іс-шара бірлік пен жаңарудың, ұрпақтар сабақтастығының жарқын көрінісі болып, ұлттық музыкалық мұраны дәріптеуге өз үлесін қосты.