Оқытушы Ахметова Асель Серикбаевна техникалық және кәсіптік білім беру ұйымдарының педагогтері мен педагогикалық мамандықтарда білім алушылар арасында халықаралық қатысумен өткен «Техникалық және кәсіптік білім беру саласындағы жаңа технологиялар мен инновациялық тәсілдер» тақырыбындағы облыстық ғылыми-зерттеу жұмыстары байқауына қатысты.
Байқау барысында «Веселые «Фруто-крышки» атты дидактикалық ойындар жинағының авторлық жұмысы ұсынылды. Баяндама аясында аталған әдістемелік өнімді білім беру үдерісіне енгізу нәтижелеріне жан-жақты талдау жасалды.
Байқауға қатысу – жеке педагогикалық тәжірибені ұсынуға, әріптестермен инновациялық идеялар алмасуға және техникалық және кәсіптік білім беру жүйесінде ойын технологияларының өзектілігін дәлелдеуге мүмкіндік болды.
2026 жылғы 18 ақпанда ҚӘТУ және ҚӘТҚ студенттердің Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Қостанай облысы бойынша департаменті өкілдерімен кездесуі өтті.
Кездесу тақырыбы: «Қылмыстардың, жол-көлік оқиғаларының алдын алу және ИАС «Электрондық өтініш» (Е-Өтініш) арқылы өтініш беру тәртібі».
Дәріс барысында құқық бұзушылықтар мен жол-көлік оқиғаларының алдын алудың өзекті мәселелері қарастырылып, сондай-ақ ақпараттық-талдамалық жүйелер мен «Е-Өтініш» сервисі арқылы өтініш беру тәртібі жан-жақты түсіндірілді.
Осындай кездесулер студенттердің құқықтық сауаттылығын арттыруға, жауапты азаматтық мінез-құлықты қалыптастыруға және белсенді азаматтық ұстанымды дамытуға ықпал етеді.
🛡 Қауіпсіздік пен сенім: ҚСТК-де облыстық ата-аналар жиналысы өтті
Қостанай әлеуметтік-техникалық колледжінде заманауи тәрбиенің ең өзекті мәселелеріне арналған Бірыңғай облыстық ата-аналар жиналысы өтті. Күн тәртібінде — буллингтің, тұрмыстық зорлық-зомбылықтың және аутодеструктивті мінез-құлықтың алдын алу тақырыптары қаралды.
Жиналыстың негізгі бағыттары:
📍 Ақпараттық блок. Директордың тәрбие ісі жөніндегі орынбасары М.С. Утагалиева студенттер үшін қауіпсіз орта қалыптастыру мен бақылауды күшейтудің маңыздылығына тоқталды.
📍 Психологиялық практикум. Педагог-психолог Е.С. Вергилесова ата-аналармен практикалық сессия өткізді.
«Отбасы — баланың басты қорғаны. Біздің мақсатымыз — ата-аналарды бала үніне құлақ түруге және қауіптің алдын алуға үйрету», — деді спикерлер.
Кездесу соңында ата-аналарға баламен қарым-қатынасты нығайту бойынша ұсыныстары бар жадынамалар мен буклеттер таратылды.
Әлихан Бөкейханов: ұлы ұлттың тұлғасы
2026 жылғы 17 ақпанда Костанай әлеуметтік-техникалық колледжінің оқу залында ұлы қазақ қоғам қайраткері, «Алаш» партиясының негізін қалаушы Әлихан Нұрмұхамедұлы Бөкейхановтың 160 жылдық мерейтойына арналған ауызша журнал өткізілді.
Программада Әлиханның өмірі мен қызметі туралы мәліметтер, қызықты деректер (9 тілді еркін меңгергені, ғалым, публицист, аудармашы болғаны, Алашорда үкіметінің тұңғыш төрағасы атанғаны), замандастарының оның ұлт тарихындағы рөліне берген жоғары бағалары айтылды. Ол қазақ халқының азаттығы, жері мен тілі үшін өмірін арнаған ұлы тұлға ретінде еске алынды.
Іс-шара соңында студенттер викторина сұрақтарына жауап беріп, білімдерін сынады. Программаны студенттер Достанов Даниель мен Холод Татьяна жүргізді.Бұл шара жастарға ұлттық тарихты тереңірек түсінуге және Әлихан сияқты ұлы тұлғалардан үлгі алуға септігін тигізді!