“Кәсіптік жылы” аясында 2025 жылғы 20 ақпан күні Қостанай әлеуметтік-техникалық колледжінің 2-курс студенттері «Шартты жарамсыз деп тану» тақырыбындағы ашық сот отырысына қатысып, судья Морозова А.Л. төрағалық етті.
Студенттер азаматтық сот өндірісі судьясының жұмысымен танысып, бұл оларға теориялық материалды жақсы түсінуге мүмкіндік берді.
Шынайы сот процесін бақылау барысында студенттер құқық бұзушылықтардың салдарын және заңды сақтау маңыздылығын толықтай түсініп, сезінді.

«Кәсіптік жылы» аясында Қостанай әлеуметтік-техникалық колледжінде құқықбұзушылықтың алдын алу бойынша «Табысқа жол» әлеуметтік бағдарламасын іске асыру мақсатында 2025 жылғы 12 ақпанда бекітілген кестеге сәйкес іс-шара өткізілді.

Колледжге Қостанай гуманитарлық колледжінің студенттері шақырылды. Іс-шара бағдарламасына «Табысқа жол» квест-ойыны енгізілді, ол 5 бекеттен тұрды. Әр бекет колледждегі белгілі бір мамандықты сипаттады.

Іс-шараның кульминациясы студенттік белсенділер дайындаған жарқын және есте қаларлық флешмоб болды. Қазіргі заманғы әуенге орындалған қарқынды әрі үйлесімді қимылдар мереке мен бірлік атмосферасын қалыптастырды.

Одан кейін тәрбиелік мәні бар көрініс қойылды. Онда сабақ барысында тәртіп бұзған студенттің оқиға желісі көрсетілді. Бастапқыда ол өзін әдепсіз ұстап, оқытушы мен басқа студенттерге кедергі келтірді. Алайда педагогтың даналығы мен сабырлылығының, сондай-ақ топтастарының қолдауының арқасында тәртіп бұзушы өзінің қателігін түсініп, оқуға деген қызығушылық танытты.

Бұл көрініс жасөспірімдер мен жастар арасындағы құқықбұзушылықтың алдын алудың маңыздылығын көрсетіп, олардың оқу мен заңға бағынушылыққа деген оң көзқарасын қалыптастыруға ықпал етті.