Туындыларда көтерілген тақырыптар жастарды бейжай қалдырмады. Олар мектептегі қорлықтан (буллинг) бастап, әлеуметтік желілер арқылы қылмыскерлердің құрығына қалай оңай түсіп қалуға болатынына дейін барлық мәселені талқылады. Кездесудің басты мақсаты — кинокадрлармен қорқыту емес, студенттердің бойында құқық бұзушылыққа қарсы иммунитет қалыптастыру. ҚР ІІМ тапсырысымен дайындалған бұл фильмдер өз құқықтары мен міндеттерін білетін жауапты ұрпақты тәрбиелеуге бағытталған.