2025 жылғы 14 ақпанда Қостанай әлеуметтік-техникалық колледжінде кәмелетке толмағандар арасындағы суицидтік мінез-құлықтың, буллингтің/кибербуллингтің және тұрмыстық зорлық-зомбылықтың алдын алу мәселелеріне арналған ата-аналар жиналысы өтті.
Жиналысқа Қостанай қаласы ПБ ЖПҚБ ӘЗҚ аға жедел уәкілі, полиция майоры Тұмұрзин Е.Е. спикер ретінде қатысты. Сондай-ақ колледждің тәрбие ісі жөніндегі директор орынбасары да шараға қатысып, өз пікірін білдірді.
Кездесу барысында ата-аналарға суицидтік мінез-құлықтың белгілері мен себептері, буллинг пен кибербуллингтің алдын алу шаралары, балаларды тұрмыстық зорлық-зомбылықтан қорғау жолдары туралы маңызды ақпарат берілді. Отбасы мен білім беру мекемесінің жасөспірімдер үшін қауіпсіз орта қалыптастырудағы рөліне ерекше назар аударылды.
Жиналыс ашық диалог форматында өтіп, қатысушылар мамандарға сұрақ қойып, қажетті кеңестер алды.
